جوله حول العالم ....ω في حضن دبي ω

السلام عليكم ورحمه الله وبركاته

شحالكم متابعين وزوار مدونه جنون الورد!؟

ان شااء الله اتكونون باتم صحتكم وعافيتكم ..

تدوينتي لليوم عباره عن صور التقطتها قبل يومين للقريه العالميه فدبي.(( شكشكات على الطاير وانا امشي ))

للي مايعرف شنو هي القريه العالميه ... القريه العالميه الحدث الابرز الي يرافق مهرجان دبي للتسوق .. وخلا ل السنوات الماضيه اصبحت القريه ولكثره الطلب عليها تفتح ابوابها قبل المهرجان بعده اشهر وترافقه الى حتى انتهائه...

القريه العالميه هي مكان يضم اجنحه مصغره لاسواق مختلفه من دول العالم كل بلد على حدى ، يعرض كل جناح البضائع التي تميزه عن غيره من الاجنحه .. الدول المشاركه فالقريه العالميه مثل الامارات، السعوديه ، قطر، البحرين، الكويت،عمان ، اليمن ، لبنان ، سوريا، الاردن ،فلسطين ،مصر، المغرب ، تركيا ، سيريلانكا،باكستان ،تايلند ،الهند ،سنغافوره ،ماليزيا ، الصين ...وان شااء الله ماكون نسيت قريه او شي ...

والحين اخليكم ويا الصور واسمحولي على (quality) لانها من تصوير فوني ...

اكيد كلكم تعرفون هاللعبه .. فهالقطه كنا بقرب القريه المصريه  مثل ماتشوفون الهرم..

هنيه يمكن اتكون الصوره مب واضحه .. كنت ابغي اصور العرض الي مسوينه جدام القريه اللبنانيه  بس يوم اسوي زووم ماتطلع الصوره اوكي .. هاي احسن لقطه..

هاي صوره القريه الكويتيه .. من الجهه الثانيه ..وصورتها وانا امشي على السريع

وهاي صوره ثانيه لنفس القريه بس بزاويه 2 ...

وهنيه صوره لمدخل القريه الكويتيه قبل ما ادخلها...

وهذا مبني فالرياض اظن .. بس ضمن تصميم القريه السعوديه حبيت  شكله فصورته يوم كنت يالسه جدامه ..

وهاي القريه الهنديه من الضفه المقابله صورتها .. حبيت هالصوره احلى صوره بنظري..

مدخل القريه الصينيه..

الايسكريم اللي خذته من القريه السوريه يم يمي ^^ فانيلا+جوكلت ..واكيد الفستق الحلبي فوقه ^^..

إن شااء الله تكون عيبتكم شكشكاتي ..

^^

إالى الملتقى وبانتظا رايكم