السلام عليكم ورحمه الله وبركاته
سلامي على من يخجل الورد بملفاه
سلام عدد سيل ماطر من سحابي..
سلامي على من يزيح الهم ذكراه
مادري من وين ابتدي...ما ابغي اكون تقليديه مثل غيري واقول مثل مايقولون انهم افتتحوا عقب تفكير عميق..
بكل بساطه خلوني أقولكم نبذه بسيطه عني .. وإن شااء الله مع الايام بتعرفوني
~ĵหo0oห สl ώa Яḓ ~
ُُإنسانه ُُطيوبه زياده عن اللزوم! .. طالبه على وجه تخرج بإذن الله تعالى ..
ُُ اممم اخر العنقود ُُ دلوعه بس مب الدلع الماصخ!
ًً بسرعه أعصب وأتنرفز ًً وهالشي احاول اني اسويله كنترول بس للحين ماقدرت!وممكن اهدى بكلمه حلوه من الطرف 2
ًً أحب تكون عندي صداقات ًًبس صداقاتي شويه! ماعرف شو السبب .. يمكن لانه اغلب اللي كنت اعرفهم
كانوا ربع مصلحه وانصدمت فيهم وايد! او عقب فتره من صداقتنا يتغيرون...
ًًحـــساااااسه ًً وزياده عن اللزوم احس... وبمرحله الدراسه كنت اخس عن الحين!! وهالشي واايد ياثر يمكن بعلاقاتي !
ًًزعووله ًً بس أرضى بسرعه...
ًً ما اسامح ًًًوهاي من الصفات اللي مب حلوه فيني .. يعني لو صار بيني وبين حد موقف وهالموقف جرحني واذاني ..
خلاص مستحيل هالانسان ترد علاقتي فيه مثل ما كانت ...لو حاول عقبها انه يرد علاقتي فيه .. واذا ردت بترد مجرد سلالالالالالالالام ....
ًً أكره الخيانه ًًشعور صعب .. الصراحه سواء كانت خيانه من الصديق او الحبيب ..والطعنه لما تيك بالظهر صعب انك تشفى منها بسهوله ..بتحتاج لشخص توثق فيه ويداويلك هالجرح ولين ما تلقى هالشخص بيكون لازم عليك ترمم نفسيتك بالاول عشان تقدر توثق في الشخص انه ممكن يساعدك وتكمل طريجك وياه.. >>> ابتديت اتفلسف
ًً يقولون اني مغروره متكبرهً ًًبس انا مب جيه .. يمكن لاني ما اندمج ويا اي احد فالسوالف بسرعه يقولون عني جيه ..واايد من ربيعاتي اللي كنت اعرفهم قالولي هالشي .. بس عقب ماعرفوني قالولي انتي ابدا مب مغروره ولا متكبره بس نحن فالبدايه جيه حسينا..
ًًعنيدهً ًًيااااااااااااحبي اني اعاند ... اللي فبالي اسويه يعني اسويه .
ًً أغــــــــار وايــــــــدً ًًوغيرتي توصلني ساعات لحد الجنون .....واكرهه الصراحه هالصفه فيني ....
ًً أكره الانتظار ًًًياربي يا كرهي حد يقولي اصبري ... ابدا مافيه صبر وبسرعه اتنفرز واعصب خاصه اذا حد قالي اصبري او اذا كنت اتريا شي يستوي .. عشان جيه دايما متسرعه بالاشيا الي اسويها وساعات اندم لاني ما صبرت ..
عالم المدونات ابتديته عقب بروجكت طلبه السير منا ... فتعرفت على المدونات وقبل هالشي كنت احب اشارك في منتديات ويكون عندي سبيس خاص ..
بس لانه المنتديات عوار راس! وصدعه !
او انه المنتديات تصير مشرف او مسؤول والاداره تخلي كل شي عليك!
فحبيت انه يكون عندي مكان اكتب فيه وانثر كل اللي بخاطر { جنون الورد} بدون الحاجه لمنتديات !!
ان شااء الله تكون خذتوا للحين صوره عامه عني عن صفاتي الــ + أو - وعرفتوا منوه هيه
ĵหo0oห สl ώa Яḓ ~
وان شااء الله دايما يعيبكم الي اضيفه لمدونتي .. وأكيد بستانس باقتراحات وبتعليقات اللي يتابعون مدونتي ...
يالله نتلاقى على خير احس وايد كتبت^^
وايدي عورتني ^^
بانتظاركم ^^
السلام عليكم جنون الورد ..
ردحذفحياج في عالم التدوين ولو إني يديدة مثلج .. :) ..
أتمنالج التوفيق وأنتظر كتاباتج ..
وعليكم السلام ورحمه الله وبركاته~
ردحذفالله يحيج ويبجيج يارب ^^ وان شااء الله نستانس
ونلقى حد يشجعنا عشان نقدرنبدع ^^ ونواصل
منورتني
حلو إن الواحد يعرف لو شي بسيط عن الشخص اللي جدامه ..
ردحذفأحس أغلب الصفات اللي فيج فيني ..
في صفات إنتي ما عيبتج فيج ..
حاولي تخطين خطوه في إنج تغيرين الشي اللي يضايقج فيج .. جي بتكونين أكثر راحه
وخبرنا عن الصعوبات اللي واجهتج ..
وشو كنت تحسين وانتي تخطين هالخطوة ..
يعني دونيها في مدونتج كتجربه رائعه ..
مجرد اقتراح .. أتمنى إنه يعيبج
وسمحيلي أحس خذت عليج وايد ..
عادي صح ؟
اعتبرني اختج الصغيره إذا حبيتي ..
ما دري حبيت ابتدينا عشان اللي يتواصلون ويايه يعرفون منوه هيه جنون الورد..
ردحذفوحبيت فكرتج وان شااء الله اذا طبقتها ^^ بكتب لكم شو استوى
لا افا عليج اخت عزيزه وغاليه اخذي راحتج ^^
منوره مدونتي والله ^^
لاتحرميني من تواصلج يالغلا
مرحبا الف.. ماشالله عليك بديتي بنشاط اتمنى انه يستمر يارب وحياك ف عالم التدوين (( حيعجبك باذن الله.. تقبلي مروري..
ردحذفوعليكم السلام ورحمة الله وبركاته
ردحذفتشرفنا ب معرفتكـِ ^^
راح تلاقينى هنا دايما بس بعد الامتحانات الله يعديها ع خير
الله يسعدكـِ دائما ابدا
كونى بخير
:)
مرحبا مليار ولا يسدن وان سدن فلا باس يا .ستار.
ردحذفلووولز ان شااء الله ايتم هالنشاط موجود دايما^^ وراح يستمر باذن الله ثم بتشجيعك وبمتابعتك لما اضيفه لمدونتي ..
ان شااء الله يكون عالم التدوين ممتع ومفيد لي في نفس الوقت ^^
شاكره لج مرورج وتنوريج لمدونتي
لاتحرميني من تواصلج يالغلا
وانا اتشرفت بوجودج بمدونتي^_*
ردحذفان شااء الله دايما اشوف تعليقاتج ومتابعتج لتدويناتي ..
والله يوفقج يارب في امتحاناتج
ويسعدج يا آيه دنيا وآخره يارب
لاتحرميني من طلتج بمدونتي يالغلا^^